नयाँ करबारे चीनलाई अमेरिकाकाे चेतावनी

फरक धार

१९ साउन २०७५, शनिबार

वासिङटन – अमेरिकी राष्ट्रपतिको कार्यालय ह्वाइट हाउसका उच्च आर्थिक सल्लाहकारले चीनले नयाँ व्यापार करसम्बन्धी दिएको चुनौतीबारे जवाफ दिँदै अमेरिकी राष्ट्रपतिलाई कमजोर मूल्यांकन नगर्न चेतावनी दिएका छन् । आर्थिक सल्लाहकार ल्यारी कुड्लोले ट्रम्पले उचित प्रतिक्रिया दिने बताएका छन् ।

अमेरिकी ब्लुमवर्ग टेलिभिजनसँगको कुराकानीमा आर्थिक सल्लाहकार ल्यारी कुड्लोले भने, ‘चिनियाँहरूले राष्ट्रपति ट्रम्पलाई अघि बढ्न सक्नुहुन्न होला भनेर कम नआँक्नु राम्रो होला ।’ बेइजिङले व्यापार करबारे चेतावनी दिँदै अमेरिकी सामानमा अर्को ६० अर्ब अमेरिकी डलर बराबरको व्यापार कर लगाउने बताएको केही समयमै अमेरिकाले यस्ताे प्रतिक्रिया दिएको हो ।

ट्रम्पले विशेषगरी चीनलाई लक्षित गरी नयाँ व्यापार नीति ल्याएपछि चीनले अमेरिकी सामानमा नयाँ कर लगाउने बताएको थियो ।

 
प्रतिक्रिया दिनुहोस

फरक धारका अन्य समाचार