अर्थमन्त्रीसहित तीन प्रस्तावित सांसदको सुनुवाइ स्थगित

फरक धार

२० फागुन २०७४, आइतबार

काठमाडौं / सर्वोच्च अदालतले बहालवाला अर्थ तथा योजना मन्त्रीसहित राष्ट्रियसभाका तीनजना प्रस्तावित सांसादमाथि परेको मुद्दाको सुनुवाइ स्थगित गरेको छ । आइतवार गर्ने भनिएको सुनवाइ स्थगित गर्दै अदालतले सोमवारका लागि पेशी तोकेको छ । अाइतवार सुनुवाइ स्थगित भएपछि मनाेनित सदस्यहरूले अाइतवार सपथ लिन पाएनन् ।

अदालतका न्यायाधीश हरिकृष्ण कार्की र प्रकाशमान राउतको संयुक्त इजलासले राष्ट्रियसभाका लागि मनोनीत भएका तीनजना सदस्य
डा युवराज खतिवडा, रामनारायण बिँडारी र डा विमला पौडेलको सुनवाइ स्थगित गरिएको सर्वोच्चका प्रवक्ता नारायणप्रसाद पन्थीले जानकारी दिए ।

यसअघि उक्त मुद्दामा प्रकाश राउतले हेरेको हुनाले पुनः हेर्न नमिल्ने भन्दै सुनवाइ स्थगित गरिएको उनले बताए । यही फागुन १३ गते न्यायाधीश प्रकाशमान सिंह राउतको एकल इजलासले तीनजना सदस्यका हैसियतको शपथ नगर्न÷नगराउन भनी अल्पकालीन अन्तरिम आदेश जारी गरेको थियो ।

प्रवक्ता पन्थीले आइतवार स्थगित भएको सुनवाइ भोलिका लागि पेशी तोकिएको बताए । शेरबहादुर देउवा नेतृत्वको सरकारले राष्ट्रियसभाका सदस्यका लागि सिफारिस गरेका गोपाल बस्नेत, कृष्णप्रसाद पौडेल र चाँदनी जोशीले संयुक्त रुपमा राष्ट्रपति विद्यादेवी भण्डारीले आफूहरुलाई मनोनयन नगरेर वर्तमान केपी शर्मा ओली नेतृत्वको सरकारले सिफारिस गरेकालाई मनोनयन गरेको भन्दै राष्ट्रपतिको कार्यालय, प्रधानमन्त्री तथा मन्त्रिपरिषद्को कार्यालयलगायतलाई विपक्षी बनाई रिट दायर गरेका थिए ।

 
प्रतिक्रिया दिनुहोस

फरक धारका अन्य समाचार