गुल्मीको क्षेत्र नं २ मा नेकपा एमालेका गोकर्णराज विष्ट विजयी भएका छन् । नेकपा एकीकृत समाजवादीकी रामकुमारी झाँक्रीलाई २ हजार ४४ मतले पछि पार्दै विष्ट विजयी भएका हुन् ।

यो जितसँगै यस क्षेत्रमा विष्टले ‘ह्याट्रिक’ गरेका छन् । यस क्षेत्रमा कूल ५८ हजार सात सय ५९ मत खसेको थियो । विजयी भएका विष्टले २८ हजार चार सय ८५ मत प्राप्त गरेका निर्वाचन अधिकृत शिवबहादुर थापाले जानकारी दिए ।

उनकी प्रतिस्पर्धी झाँक्रीले २६ हजार ४ सय ४१ मत प्राप्त गर्नुभएको निर्वाचन अधिकृत थापाले जानकारी दिए । उनले २०७०, २०७४ र अहिले गरी लगातार तीनपटक चुनाव जितेका छन् ।

विष्टले यस क्षेत्रबाट २०५६ मा पनि चुनाव जितेका थिए । २०६४ मा मात्र विष्ट माओवादीका चन्द्रबहादुर थापासँग पराजय भएका थिए ।