भक्तपुरमा गएराति भएको दुर्घटनामा एकजनाको मृत्यु भएको छ । दुर्घटनामा एकजना घाइते भएका छन् ।
घटना गएराति सवा ११ बजे मध्यपुर नगरपालिका–६ पुरानो थिमिमा भएको हो ।
दुर्घटनामा बाग्मती प्रदेश–०१०२३ च ४२५३ नम्बरको भ्यान र बा १० प ९५०८ नम्बरको मोटरसाइकल ठोक्किँदा मोटरसाइकलका चालक भक्तपुर नगरपालिका क्वाँछेका २८ वर्षका सिजन फसिकवाको ज्यान गएको प्रहरीले जनाएको छ ।
प्रहरीका अनुसार उनको उपचारका क्रममा मध्यपुर थिमि अस्पतालमा पौने १२ बजे मृत्यु भएको हो । दुर्घटनामा मोटरसाइकलको पछाडि बस्ने भक्तपुर नगरपालिका–७ का सुनिल ग्वाछा घाइते भएका छन् । उनको उपचार भइरहेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
