गण्डकी प्रदेशसभामा २७ सिटसहित कांग्रेस पहिलो दल बनेको छ । कांग्रेस प्रत्यक्षतर्फ १८ सिट र समानुपातिकतर्फ ९ सिट प्राप्त गर्दै पहिलो दल बनेको हो । 

गण्डकी प्रदेशसभामा एमाले २२ सिटसहित दोस्रो दल बनेको छ । प्रत्यक्षतर्फ १२ सिट प्राप्त गरेको एमालेले समानुपातिकतर्फ १० सिट प्राप्त गरेको छ । 

माओवादी केन्द्रले ७ सिट प्राप्त गरेको छ । माओवादीले प्रत्यक्षमा ४ र समानुपातिकमा ३ सिट प्राप्त् गरेको हो । 

हँसिया हथौडा चुनाव चिह्नमा चुनाव लडेको बाबुराम भट्टराई नेतृत्वको नेपाल समाजवादी पार्टीले पनि गण्डकीमा प्रत्यक्षतर्फ १ सिट जितेको छ । गोरखा २(क)बाट नेसपाका फणिन्द्र देवकोटा विजयी भएका हुन् । उनी पनि माओवादीकै सांसद मानिने हुँदा गण्डकीमा माओवादीको ८ सिट हुने भएको छ । 

गण्डकीमा राप्रपाले पनि समानुपातिकतर्फ २ सिट प्राप्त गरेको छ । गण्डकीमा मनाङ प्रदेशसभा २ बाट स्वतन्त्र उम्मेदवारका रूपमा विजयी भएका राजीव गुरुङ नेकपा एकीकृत समाजवादी पार्टीमा प्रवेश गरिसकेका छन् ।

६० सदस्यीय गण्डकी प्रदेशसभामा प्रत्यक्षतर्फ ३६ र समानुपातिकतर्फ २४ सांसद निर्वाचित हुन्छन् । गण्डकीमा सरकार बनाउन आवश्यक बहुमत संख्या ३१ हो । जसमा कांग्रेस एक्लैलाई सरकार बनाउन ४ सिट मात्र पुग्दैन ।