प्रतिनिधिसभामा समानुपातिकबाट निर्वाचित ११० सांसदको नामावली सार्वजनिक भएको छ । निर्वाचन आयोगले मंसिर ४ गते भएको निर्वाचनमा थ्रेसहोल्ड कटाएका सात दलले पठाएको सूचीका आधारमा समानुपातिक सांसदको नामावली सार्वजनिक गरेको हो ।

प्रतिनिधिसभामा समानुपातिकतर्फ नेकपा एमालेले ३४, नेपाली कांग्रेसले ३२, नेकपा माओवादी केन्द्रले १४ र राप्रपाले ७ सिट प्राप्त गरेका छन् । 

त्यस्तै, राष्ट्रिय स्वतन्त्र पार्टीले १३, जनता समाजवादी पार्टी जसपा र जनमत पार्टी समान ५–५ सिट पाएका छन् ।

प्रत्यक्षतर्फ १० सिट प्राप्त गरेको एकीकृत समाजवादी पार्टीले भनेथ्रेसहोल्ड कटाउन नसकेका कारण  समानुपातिकमा कुनै सिट पाएन । सो पार्टी राष्ट्रिय दल हुनबाट पनि वञ्चित भएको छ ।​