गण्डकी प्रदेशसभाकाे प्रदेश सचिवालयले पुस १४ गते सांसदलाई शपथ गराउने तयारी थालेको छ ।

प्रदेशसभा सदस्यहरूलाइ ज्येष्ठ सदस्यको हैसियतमा एमालेका मित्रलाल बस्यालले शपथ खुवाउनेछन् । त्योभन्दाअघि उनले प्रदेश प्रमुखसँग सपथ लिनेछन् । 

बस्याललाई गण्डकीका प्रदेश प्रमुख पृथ्वीमान गुरुङले पुस १३ गते कार्यालयमै शपथ गराउने तयारी छ । सोही अनुसार प्रदेश प्रमुखको कार्यालयले प्रदेश सचिवालयलाई पत्र पठाएको छ ।  

पर्वत २ बाट प्रदेशसभा सदस्यमा निर्वाचित बस्याल गण्डकी प्रदेशसभाका सबैभन्दा जेष्ठ सदस्य हुन् । ६५ वर्षीय बस्याल कांग्रेसका विन्दु थापा भन्दा २ दिनले जेठा हुन् ।