काठमाडौं– प्रधानमन्त्री केपी शर्मा ओलीले आज पानीजहाज कार्यालय उद्घाटन गरेका छन् । प्रधानमन्त्री ओलीले ललितपुर एकान्तकुनास्थित यातायात कार्यालय परिसरमा आज बिहान आयोजित कार्यक्रममा सो कार्यालय उद्घाटन गरेका हुन् । पानीजहाज कार्यालय भौतिक पूर्वाधार तथा यातायाता मन्त्रालय मातहत रहने जनाइएको छ ।  

पानीजहाज कार्यालयमा एक उपसचिवको नेतृत्वमा १६ जना कर्मचारी रहने सरकारका प्रवक्ता तथा सूचना तथा सञ्चार प्रविधिमन्त्री गोकुल बाँस्कोटाले बताएका छन् । 

कार्यालयमा वरिष्ठ डिभिजनल इन्जिनियर एकजना, शाखा अधिकृत एकजना, कानुन अधिकृत एकजना, लेखा अधिकृत एकजनालगायत १६ जनाको दरबन्दी २९ पुसको मन्त्रिपरिषद् बैठक स्वीकृत गरिसकेको छ ।