इंग्लिस प्रिमियर लिग फुटबलमा म्यानचेस्टर युनाइटेड र चेल्सी विजयी भएका छन् । गएराति भएको पहिलो खेलमा चेल्सीले बर्नमाउथलाई २–० गोल अन्तरले पाखा लगायो । 

चेल्सीको जितमा काई हार्भेट्ज र मेसन माउन्टले एक/क गोल गरे । योसँगै चेल्सी १५ खेलमा २४ अंकका साथ आठौँ स्थानमा उक्लिएको छ । पराजित बर्नमाउथ १६ खेलमा १६ अंकका साथ १४ औँ स्थानमा रहेको छ ।

त्यस्तै, अर्को खेलमा म्यानचेस्टर युनाइटेडले नटिङ्घम फरेस्टलाई ३–० गोलले हरायो । युनाइटेडको जितमा मार्कुस रासफोर्ड, एन्टोनी मार्सिय र फ्रेडले समान एक गोल गरे ।

यो जितसँगै १५ खेलमा २९ अंकका साथ युनाइटेड अंकतालिकाको पाँचौं स्थानमा छ । नटिङ्घम फरेस्ट १६ खेलमा १३ अंकका साथ पुछारबाट दोस्रो स्थानमा छ ।