सुदूरपश्चिम प्रदेश सभाको सभामुखमा भीम भण्डारी निर्वाचित भएका छन् । माओवादी केन्द्रबाट प्रदेश सभा सदस्य रहेका भण्डारीलाई गठबन्धनले साझा उम्मेदवार बनाएको थियो । नेपाली कांग्रेसका उम्मेदवार तथा प्रदेश सभाका जेष्ठ सदस्य मानबहादुर रावललाई ६ मतले पराजित गरि भण्डारी सभामुखमा निर्वाचित भएका हुन् ।
 
रावलले २३ मत पाउँदा भण्डारीले २९ मत पाए । बिहीबार, शनिबार र आज गरि प्रदेशसभामा तीन पटक सभामुख पदका लागि निर्वाचन भएको हो । तेस्रोपटकको प्रयासमा भण्डारी निर्वाचित भएका हुन् । यस अघि सम्पन्न दुई निर्वाचनमा भने दुवै उम्मेदवार बहुमत पुर्याउन असफल भएका थिए । 

 ५३ जना प्रदेश सभा सदस्य रहेको सुदूरपश्चिममा सभामुख चयन हुन २७ मत आवश्यक पर्छ । आजको निर्वाचनमा ५२ सांसद सहभागी थिए ।