काठमाडौं– राष्ट्रिय लोकदोहोरी गीत प्रतिष्ठानले विवादमा परेको गीत ‘लुट्न सके लुट’लाई पुनः युटुबमा राख्न गायक पशुपति शर्मालाई आग्रह गरेको छ ।
प्रतिष्ठानको आइतबार बसेको बैठकले उक्त गीतलाई जस्ताको तस्तै पुनः अपलोड गर्न आग्रह गर्ने निर्णय गरेको हो ।
प्रतिष्ठानले जारी गरेको प्रेस विज्ञप्तिमा सर्जकले सिर्जना गरेको गीत श्रोताले जस्ताको तस्तै सुन्न पाउनुपर्ने भन्दै गीत पुनः अपलोड गर्न गायक शर्मालाई आग्रह गरिएको छ ।
गीत–संगीत र अभिनय लगायतका अभिव्यक्तिबाट सार्वजनिक पदको आलोचना गर्न पाउने भन्दै प्रतिष्ठानले जारी वाक्–स्वतन्त्रताको हनन संस्थालाई सह्य नभएको उल्लेख गरेको छ ।
विज्ञप्तिमार्फत प्रतिष्ठानले संगीत विकास बोर्ड अथवा संगीत सेन्सर बोर्ड गठन गर्न सरकारलाई स्मरण गराएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
