पूर्वसचिव रामेश्वर खनालले अर्को बिहे गरेका छन् । उनले सरिता शर्मा पोखरेलसँग नयाँ वैवाहिक जीवन सुरु गरेका हुन् । 

उनीहरूले दुवैतर्फको परिवारको उपस्थितिमा केक काटेर नयाँ जीवनको सुरुवात गर्न निर्णय लिए ।  

खनालकी पहिलो श्रीमती सचित्रा खनालको २१ असोज २०७६ मा क्यान्सरका कारण निधन भएको थियो । शर्मा १९ वर्षदेखि नै एकल जीवन बिताइरहेकी थिइन् । 

उनीहरू दुवैका एक/एक छोरी छन् । शर्माको श्रीमानको १९ वर्षअघि निधन भएको थियो । विवाहको ६ वर्षमै छोरी ५ वर्षको हुँदा पति वियोग सहेकी शर्माले एकल महिलाकै रूपमा छोरीलाई लालनपालन र शिक्षा दिक्षा दिएकी थिइन् ।