राष्ट्रिय स्वतन्त्र पार्टी (रास्वपा)मा सरकारमा रहने वा नरहने भन्ने विषयमा छलफल सुरू भएको छ । सोही प्रयोजनका लागि रास्वपाको केन्द्रीय समिति र संसदीय दलको आकस्मिक बैठक सुरु भएको छ । 

रास्वपाले सरकार गठनका बेला भएको सहमतिअनुसार गृह मन्त्रालय आफूले पाउनुपर्ने माग गर्दै आएको छ । उसले गृह मन्त्रालय नपाए सरकारबाट बाहिरिने चेतावनी दिएको छ ।

यसअघि बिहीबार बसेको केन्द्रीय समिति र संसदीय दलको बैठकले माग पूरा गर्न प्रधानमन्त्रीलाई २ दिनको समय दिने निर्णय गरेको थियो ।

शुक्रबार रास्वपाका सभापति रवि लामिछानेलाई  प्रधानमन्त्री पुष्पकमल दाहाल प्रचण्डले गृहबाहेक अर्को मन्त्रालय लिन र आफूबाहेक अरूलाई
सरकारमा पठाउन प्रस्ताव गरेका थिए ।