बलिउड अभिनेता सिद्धार्थ मल्होत्रा र अभिनेत्री कियारा आडवाणी वैवाहिक बन्धनमा बाँधिएका छन् । उनीहरूले मंगलबार साँझ जैसलमेरको होटल सूर्यगढको स्टेपवेलमा लगनगाँठो कसेका हुन् ।

शाही परम्पराअनुसार भएको विवाहमा मण्डपलाई स्वदेशी र विदेशी फूलहरूले सजाइएको थियो । विवाहसँगै दुवैले सामाजिक सञ्जालमा फोटो र भिडियो सार्वजनिक गरेका छन् । 

‘अब हाम्रो स्थायी बुकिङ सकियो । हामीलाई तपाईँका माया र आशीर्वाद चाहिन्छ,’ कियाराले इन्स्टाग्राममा लेखेकी छिन् । विवाह समारोहमा सिद्धार्थ र कियाराका परिवारसहित बलिउडका कलाकार र व्यवसायी उपस्थित थिए ।