इंग्लिस प्रिमियर लिग फुटबलमा म्यानचेस्टर युनाइटेडले सहज जित हात पारेको छ । गएराति सम्पन्न खेलमा उसले लिड्स युनाइटेडविरुद्ध २–० को जित हात पारेको हो ।  

युनाइटेडको जितमा मार्कुस राशफोर्ड र एलेजान्ड्रो गर्नाचोले एक/एक गोल गरे । खेलको ८० औं मिनेटमा राशफोर्डले गोल गर्दै युनाइटेडलाई सुरुआती अग्रता दिलाए ।

खेलको ८५ औं मिनेटमा गर्नाचोले गोल गर्दै युनाइटेडलाई २–० को जित दिलाए । यो जितसँगै युनाइटेडले २३ खेलमा ४६ अंक जोडेको छ । ऊ अंक तालिकाको तेस्रो स्थानमा छ ।

१७ औं स्थानमा रहेको लिड्सले १९ अंक जोडेको छ ।