कांग्रेस सभापति शेरबहादुर देउवाले राष्ट्रपति निर्वाचनमा आफ्नो पार्टीका उम्मेदवारलाई विजयी गराउन एमाले अध्यक्ष केपी शर्मा ओलीसँग भोट मागेका छन् ।
देउवाले सोमबार साँझ पत्र पठाउँदै कांग्रेसबाट राष्ट्रपति उम्मेदवार रहेका रामचन्द्र पौडेलका लागि ओलीसँग भोट मागेका हुन् । देउवाले भोट मागेको पत्र कांग्रेस मुख्य सचिव कृष्णप्रसाद पौडेलले बालकोट पुगेर ओलीलाई बुझाएका थिए ।
यसअघि ओलीले भने कांग्रेसबाहेकका दल र स्वतन्त्र उम्मेदवारलाई पत्र पठाएर राष्ट्रपति निर्वाचनमा नेम्वाङका लागि भोट मागेका थिए ।
यही २५ गते हुने राष्ट्रपति निर्वाचनमा कांग्रेस वरिष्ठ नेता पौडेल र नेकपा एमालेका उपाध्यक्ष सुवास नेम्वाङ उम्मेदवार छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
