नेपाल कमर्स क्याम्पस मीनभवनको स्ववियु निर्वाचन पुनः स्थगित भएको छ । क्याम्पसले एक सूचना जारी गर्दै शनिबार हुने भनिएको निर्वाचन स्थगित गरिएको जानकारी दिएको हो ।

निर्वाचनसम्बन्धी कामकारबाही अघि बढाउने क्रममा असहज र असामान्य परिस्थिति सिर्जना भएको भन्दै क्याम्पस प्रमुख ध्रुवप्रसाद सिलवालले दोस्रोपटक निर्वाचन स्थगित गरेका हुन् । 

क्याम्पस प्रमुख सिलवाल र निर्वाचन अधिकृत लालबहादुर बस्नेतले संयुक्त हस्ताक्षरसहित अर्को सूचना जारी नभएसम्मका लागि निर्वाचन स्थगित गरेका हुन् । 

सूचनामा स्ववियु निर्वाचन समिति, क्याम्पस प्रशासन र निर्वाचन आचार संहिता अनुगमन तथा समन्वय समितिको चैत ११ गते बसेको संयुक्त बैठकले निर्वाचन स्थगित गरेको जनाइएको छ ।