अमृत साइन्स क्याम्पस (अस्कल) को स्ववियु निर्वाचनको मिति पुनः सरेको छ । अस्कलमा निर्वाचनको मिति सारेर यही चैत २४ गते पुर्याइएको छ । 

यसअघि चैत १८ गतेका लागि निर्वाचन मिति तोकिए पनि  चुनावको तयारी नपुग्ने भन्दै विद्यार्थी संगठनहरूको आग्रहमा मिति सारेर चैत २४ गते चुनाव गराउने निर्णय भएको हो ।

यसअघि चैत ५ गते निर्वाचन हुन नसकेपछि अनेरास्ववियुको तर्फबाट उच्च अदालत पाटनमा रिट दायर गरिएका थियो । उक्त रिटमाथि सुनुवाइ गर्दै अदालतले तत्काल निर्वाचन प्रक्रिया अगाडि बढाउन अन्तरिम आदेश जारी भएपछि क्याम्पसले चैत १८ मा स्ववियु निर्वाचनको मिति तय गरेको थियो । तर, उक्त मिति पनि पुनः सरेको हो ।