बुटवलस्थित लुम्बिनी वाणिज्य क्याम्पसको स्वतन्त्र विद्यार्थी युनियन (स्ववियू) को निर्वाचन यही १४ जेठमा हुने भएको छ । उच्च अदालत तुलसीपुर, बुटवलको आदेशपछि १४ जेठमा स्ववियू निर्वाचनमो मिति तय गरिएको हो ।

गत ५ चैतमा निर्वाचन प्रक्रिया सुरु भए पनि सत्तारुढ विद्यार्थी संगठनले क्याम्पसमा ताला लगाएका थिए । चुनाव स्थगित भएपछि क्याम्पसका विद्यार्थीले निर्वाचन प्रक्रिया पुनः सञ्चालन गर्न माग गर्दै अदालतमा रिट निवेदन दिए । 

अदालतको आदेशपछि क्याम्पसले सार्वजनिक गरेको निर्वाचन कार्यतालिकाअनुसार ११ जेठमा मनोनयन दर्ता र १४ गते मतदान गर्ने गरी तालिका सार्वजनिक गरेको छ ।

निर्वाचन अधिकृत गोपालप्रसाद पाण्डेका अनुसार क्याम्पसमा ४ हजारभन्दा बढी विद्यार्थी अध्ययनरत छन् ।