लुम्बिनी प्रदेशका मुख्यमन्त्री डिल्लीबहादुर चौधरीले आज मन्त्रिपरिषद् विस्तार गर्ने तयारी गरेका छन् ।
हाल चार मन्त्री रहेको प्रदेश सरकारमा सोमबार बेलुकासम्म थप तीनजना मन्त्री नियुक्त गर्ने तयारी रहेको भइरहेको हो ।
नेपाली कांग्रेसका नेता राजु खनाल, जनता समाजवादीका भण्डारीलाल यादव र जनमत पार्टीका सिके गुप्तालाई मन्त्री बनाउने तयारी भइरहेको लुम्बिनी प्रदेश सरकारका प्रवक्ता एवं बिना विभागीय मन्त्री सन्तोष पाण्डेले जानकारी दिए ।
मन्त्रीको नामलाई अन्तिमरूप दिन मुख्यमन्त्री चौधरीसहितका नेताहरूबीच छलफल भइरहेको छ । छलफलमा सहमति जुटेमा थपिएका मन्त्रीले आज नै शपथग्रहण गर्ने छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
