गण्डकी प्रदेशका प्रदेश प्रमुख पृथ्वीमान गुरुङले बजेट अधिवेशन आह्वान गरेका हुन् । सरकारको सिफारिसमा शुक्रबारबाट सुरु हुने गरी प्रदेश सभाको बजेट अधिवेशन आह्वान गरिएको हो । 

प्रदेशसभाका प्रवक्ता प्रेम सुवेदीका अनुसार शुक्रबारदेखि विनियोजन विधेयक २०८० को प्राथमिकता र सिद्धान्तलाई अर्थमन्त्री जीत प्रकाश आले मगरले संसदमा टेबल गर्ने छन् । 

मुख्यमन्त्री सुरेन्द्रराज पाण्डे नेतृत्वको सरकारले पूर्णता पाएसँगै आर्थिक वर्ष २०८०–८१ को बजेटमाथि छलफल हुन लागेको हो ।

विनियोजन विधेयक टेबल गरेपछि अर्थमन्त्री मगरले बजेटमाथिको सिद्धान्त र प्राथमिकता सभामा प्रस्तुत गर्नेछन् । शुक्रबार नै प्रदेश सभाले नियमावली समितिको कार्यअवधि पनि थप्नेछ ।