सदन अवरोध हटाउनेबारे प्रधानमन्त्री पुष्पकमल दाहाल प्रचण्डसहित शीर्ष नेताहरू छलफलमा छन् । सिंहदरबारमा भइरहेको छलफलमा एमालेको तर्फबाट अध्यक्ष केपी ओली र प्रमुख सचेतक पदम गिरी सहभागी छन् ।
त्यस्तै नेपाली कांग्रेसको तर्फबाट सभापति शेरबहादुर देउवासँगै उपसभापति पूर्णबहादुर खड्का र प्रमुख सचेतक रमेश लेखक छलफलमा उपस्थित छन् ।
पशुपतिको जलहरीबारे माओवादीका सांसद लेखनाथ दाहालले संसदमा दिएको अभिव्यक्तिको विरोधमा एमालेले शुक्रबार सदन अवरुद्ध गरेको थियो।
एमालेले जलहरी पित्तल हो कि सुन हो भन्नेबारे सरकारले सदनलाई जानकारी गराउनुपर्ने र सत्तापक्षले माफी माग्नुपर्ने माग राखेको छ ।
शुक्रबार एमालेको अवरोधले बस्न नसकेको संसद बैठक आज दिउँसो ४ बजे बोलाइएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।