घरेलु टोली मलेसियाविरुद्धको टी–२० श्रृंखलाको दोस्रो खेलमा नेपालले टस हारेर फिल्डिङको निम्तो पाएको छ । नेपालले आजको खेलमा प्लेइङ–११ मा दुई खेलाडी परिवर्तन गरेको छ ।

नेपालले आज कृतिका मरासिनी र अप्सरी बेगमलाई विश्राम दिएर विन्दु रावल र सरस्वती कुमारी चौधरीलाई प्लेइङ–११ मा मौका दिएको हो ।  पाँच खेलको सिरिजको पहिलो खेलमा नेपाल ५ विकेटले पराजित भएको थियो । 

नेपालले मलेसियाविरुद्ध पहिलोपटक हार बेहोरेको हो । नेपाल आज हिजोको हारको बदला लिँदै सिरिजमा फर्कन चाहन्छ । मलेसिया घरेलु मैदानको फाइदा उठाउँदै नेपालविरुद्ध लगातार दोस्रो जितको खोजीमा छ ।  

नेपालको प्लेइङ–११ : विन्दु रावल, काजल श्रेष्ठ, इन्दु बर्मा, सीता रानामगर, रुबिना क्षेत्री बेलबासे (कप्तान), कविता कुवँर, कविता जोशी, सम्झना खड्का, ज्योति पाण्डे, अस्मिना कर्माचार्य र सरस्वती चौधरी ।