भारत भ्रमणमा रहेका प्रधानमन्त्री पुष्पकमल दाहाल प्रचण्डले उज्जैनस्थित महाकाल बाबाको मन्दिरमा विशेष पूजा गरेका छन् । शुक्रबार मध्य प्रदेशको भ्रमणमा रहेका प्रधानमन्त्री प्रचण्ड बिहान नयाँ दिल्लीबाट इन्दौर हुँदै उज्जैन पुगेका हुन् ।  

उनले महाकाल बाबाको गर्भ गृहमा पत्नी सीता दाहालको स्वास्थ्य लाभको कामनासहित  विशेष पूजा गरेका जनाइएको छ । विशेष पूजा समारोहमा मध्य प्रदेशका राज्यपाल मंगुभाई पटेल पनि उपस्थित थिए ।