logo-img

आजको युगमा पनि खानकै लागि संघर्ष गर्नुपर्ने अवस्था आउनु दुःखद् : अध्यक्ष ओली

यो समाचार अडियोमा सुन्नुहोस्

सुन्नुहोस्

नेकपा एमालेका अध्यक्ष केपी शर्मा ओलीले, आजको युगमा पनि खानकै लागि संर्घष गर्नुपर्ने अवस्था आउनु दुःखद् भएको टिप्पणी गरेका छन् । 

सोमबार काठमाडौंमा आयोजित नेपालमा विज्ञान र प्रविधिको वर्तमान अवस्था र चुनौतीसम्बन्धी राष्ट्रिय गोष्ठीलाई सम्बोधन गर्दै उनले २१औँ शताब्दीमा खानाकै लागि संघर्ष गर्नुपर्ने स्थिति लाजमर्दो विषय भएको बताए । 

उनले मानिसकै गलत प्रवृत्तिका कारण माटोको उर्वराभूमि नास भएको भन्दै बाँच्नका लागि मात्रै संर्घष गर्नुपर्ने स्थिति लज्जास्पद भएको बताए । 

त्यस्तै, पर्याप्त सम्भावना भएर पनि  विद्युत् उत्पादन नभएको कारण नेपालमा विद्युत् वितरणमा समस्या आएको उनले टिप्पणी गरे । 

उनले उत्पादन र विकासमा प्रविधिको प्रयोग गरेमा विद्युतको खपत पनि बढी हुने बताउँदै ओलीले कृषिको आधुनिकीकरणमा विशेष जोड दिनुपर्ने बताए । 

अर्को प्रसंगमा उनले नेपाल मासुमा आत्मनिर्भर भयो भने पनि ट्रकका ट्रक खसी बोका आयात भइरहेको बताए । ‘नेपाल मासुमा आत्मनिर्भर भयो भनेको छ र पनि दिनका दिन ट्रकका ट्रक खसी बोका आइरहेका छन्,’ उनले भने, ‘आत्मनिर्भर छ भने खसी बोका कहाँ जान्छ ? त्यसको पनि जानकारी लिन आवश्यक छ । आत्मनिर्भर छौँ भनेको छ ।  मुस्ताङबाट च्याङग्रा पोखराबाट यता आउँदैनन् ।’





  • प्रकाशित मिति : असोज १, २०८० साेमबार

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।



यस विषयसँग सम्बन्धित समाचार

यो सामग्री सेयर गर्नुहोस्

यो सामग्री सेयर गर्नुहोस्

यो पनि नछुटाउनुहोस्
मल्टिमिडिया