logo-img

ग्यापु मार्केटप्लेसको प्रमुख मार्केटिङ अफिसरमा पियुष कर्ण नियुक्त

यो समाचार अडियोमा सुन्नुहोस्

सुन्नुहोस्

सफ्टेड ग्रुप अफ कम्पनी अन्तर्गतको ग्यापु मार्केटप्लेसले आफ्नो नयाँ प्रमुख मार्केटिङ अफिसर (सिएमओ) पदमा पियुष कर्णलाई नियुक्त गरेको छ । ग्यापुमा सिएमओकोसाथै कर्णले सफ्टेड ग्रुप अफ कम्पनी कालागि ब्रान्ड र रणनीतिक समूह प्रमुखको रूपमा पनि सेवा जारी गर्नेछन् ।

मार्केटिङ र मिडिया क्षेत्रमा १२ वर्षभन्दा बढी समयको अनुभवप्राप्त कर्ण असाधारण नेतृत्व, सृजनात्मक क्षमता र  कुशल रणनीतिज्ञका रूपमा परिचित छन् । ग्यापु र यसका ग्राहक कालागि उत्कृष्ट ई–कमर्स अनुभव प्रदान गर्न कालागि कर्णको नेतृत्वले फलदायी भूमिका खेल्न सक्नेछ ।

कोभिड–१९ को जटिल अवस्थामा सञ्चालनमा आएको ग्यापु मार्केटप्लेसले नेपालको सबैभन्दा द्रुत बढ्दो ई–कमर्स प्लेटफर्मको रूपमा आफ्नो पहिचान बनाएको छ । कम्पनीको उत्पादनको विविध विकल्प र उत्तम ग्राहक सेवाले उसलाई विश्वसनीय प्लेटफर्म बनाएको छ । २ लाख २५ हजारभन्दा बढी एप डाउनलोडसँगै ग्यापु दोस्रो सबैभन्दा बढी डाउनलोड गरिएको ई–कमर्स मार्केटप्लेस एप हो । 

मार्केटिङ र ब्रान्ड रणनीतिमा दिग्गज कर्णको नियुक्तिले ग्यापुको यात्रामा महत्त्वपूर्ण मोड ल्याएको छ । उनको विशेषज्ञताले ग्यापुको बजार उपस्थितिलाई र ब्रान्ड आकर्षणलाई बढाउनमा महत्त्वपूर्ण भूमिका खेल्नेछ ।

सफ्टेड ग्रुप अफ कम्पनीका अध्यक्ष तथा ग्यापु मार्केटप्लेसका संस्थापक विज्ञान श्रेष्ठले पियुष कर्णको व्यावसायिक दक्षताले ग्यापुले नयाँ उचाई लिने विश्वास व्यक्त गरे । उनले भने, ‘पियुष कर्णजीलाई ग्यापुमा सम्मिलित गर्न सकेकोमा खुसी छौँ । उहाँको व्यावसायिक क्षमता र अनुभवले ग्यापुलाई ई–कमर्स परिदृश्यमा नयाँ उच्चतामा पुर्‍याउनेछ ।’

कर्णले आफ्नो नयाँ भूमिकाबारे भने,‘म ग्यापुजस्तो प्रतिष्ठित कम्पनीसँग जोडिन पाउँदा उत्साहित छु । यस गतिशील ई–कमर्स प्लेटफर्मको विकास र सफलतामा म मेरो योगदान गर्नका लागि तयार छु । सँगै, हाम्रा ग्राहक कालागि अनलाइन किनमेल अनुभवलाई अझै प्रभावकारी बनाउने हाम्रो उद्देश्यमा मेरो सक्रियता रहन्छ ।’



के हो, ग्यापु मार्केटप्लेस ?  

ग्यापु मार्केटप्लेस नेपालको ई–कमर्स क्षेत्रमा एक अग्रणी खेलाडी हो, जसले देशभरका ग्राहकलाई उत्पादन र सेवाहरूको विस्तृत श्रृंखला प्रदान गर्दछ । 



सन् २०१९ मा स्थापित ग्यापुले यसको प्रयोगकर्ता–मैत्री इन्टरफेस, विविध उत्पादन प्रस्तावहरू र ग्राहकको सन्तुष्टिको प्रतिबद्धताका लागि द्रुत रूपमा प्रमुखता काम गरिरहेको छ ।

सफ्टेड ग्रुप अफ कम्पनी

सफ्टेड ग्रुप अफ कम्पनीज इ–कमर्स, टेक्नोलोजी, मिडिया लगायत क्षेत्रहरूमा सञ्चालन हुने विविध व्यवसायहरूको समूह हो । समूह नवप्रवर्तन,उत्कृष्टता र यसले सञ्चालन गर्ने उद्योगहरूमा सकारात्मक परिवर्तन कालागि आफ्नो प्रतिबद्धताका लागि परिचित छ ।

सफ्टेड ग्रुप अफ कम्पनीज अन्तर्गत सफ्टवारिका कलेज अफ आइटी एण्ड ईकमर्स, सनवे कलेज, युनिक्यम्पस ग्लोबल, डिजिस्कुल, डिजिमेडिकल, डिजिटेक्नोलोजी, युके कलेज, ग्यापु, जाम्ना,संस्कृति रिसोर्ट पोखरा लगायतका कम्पनीहरू रहेका छन् ।   

  • प्रकाशित मिति : असोज १८, २०८० बिहीबार १३:४३:२

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।



यो सामग्री सेयर गर्नुहोस्

यो सामग्री सेयर गर्नुहोस्

यो पनि नछुटाउनुहोस्
मल्टिमिडिया