काठमाडौं– नेपाली सेनाको प्रवक्ताको जिम्मेवारी सहायकरथी विज्ञानदेव पाण्डेले पाएका छन् । सैनिक मुख्यालय जंगीअड्डाले पाण्डेलाई सैनिक जनसम्पर्क तथा सूचना निर्देशकको जिम्मेवारी प्रदान गरेको हो ।

वर्तमान प्रवक्ता यामप्रसाद ढकालको पूर्वीपृतनाअन्तर्गत धनकुटाको हिलेस्थित २ नम्बर बाहिनीको बाहिनीपतिमा सरुवा भएपछि दाङस्थित १९ नम्बर बाहिनीका बाहिनीपति सहायकरथी पाण्डेलाई सो जिम्मेवारी दिइएको हो । उनले केही दिनपछि मात्र जिम्मेवारी सम्हाल्नेछन् । 

करिब तीन महिना नेपाली सेनाको प्रवक्ताका रुपमा काम गरका सहायकरथी ढकाल पनि केही दिनपछि मात्रै आफ्नो कमान्ड बुझ्न हिलेस्थित २ नम्बर बाहिनीतर्फ जानेछन् । 

बाहिनीपतिको जिम्मेवारी लिएपछि मात्रै सहायकरथीभन्दा माथिल्ला तहमा पदोन्नति पाइने व्यवस्था नेपाली सेनामा छ ।