काठमाडौं— स्वास्थ्य तथा जनसंख्या मन्त्रालयले हावाहुरीबाट प्रभावितको उद्दारका लागि एक चिकित्सकीय टोली हावाहुरी प्रभावित जिल्लामा पठाउने निर्णय गरेको छ । मन्त्रालयमा बसेको आकस्मिक बैठकबाट यो निर्णय भएको हो । निर्णयअनुसार डा रमेश खरेलको नेतृत्वको टोली हावाहुरी प्रभावित क्षेत्रका लागि हिँडिसकेको छ । 

मन्त्रालयका सचिव चन्द्रकुमार घिमिरेका अनुसार मन्त्रालयले थप सहयोग छिट्टै पठाउने छ । ‘आवश्यक परेको खण्डमा यहाँबाट सबै सहयोग गर्ने कुरा भएको छ,’ उनले भने । घिमिरेलगायत स्वास्थ्यमन्त्री उपेन्द्र यादव, स्वास्थ्य सेवा विभागका महानिर्देशक डा गुणराज लोहनी पर्सा पुगिसकेका छन् । 

आइतबार साँझ हावाहुरीका कारण ज्यान गुमाएका ३१ जनामध्ये २७ जनाको सनाखत भएको छ ।