एजेन्सी— बिहारका पूर्वमुख्यमन्त्री लालु यादवका छोरा तेज प्रतापले सोमबार लालु—राबडी मोर्चा पार्टीको घोषणा गरेका छन् । उनले यो पार्टी र राजद एउटै पार्टी भएको पनि बताएका छन् । उनले शिवहर तथा जहानाबादको लोकसभा सिटमा आफ्नो पार्टीले उम्मेदवारी दिने पनि बताएका छन् । र, उनी चाहिँ आफ्ना ससुरा चन्द्रिका रायविरुद्ध सारण सिटबाट निर्वाचन उठ्दै छन् । 

उनले भारतीय जनता पार्टीका नेताहरुले उनीहरुलाई एकआपसमा लडाउन खोजेको पनि आरोप लगाएका छन् । ‘मैले एक पटक भनेपछि त्यो कुरा फेर्दिनँ, म सारण सिटबाट निर्वाचनमा उठ्दै छु । त्यहाँ अरुलाई र बाहिरको मान्छेलाई टिकट दिने होइन,’ उनले भनेका छन्, ‘आमा राबडी पनि अब छपराबाट निर्वाचन लड्नेछिन् । त्यो हाम्रो पारम्परिक सिट हो ।’

तेजप्रतापले महागठबन्धनसँग कोही तीन सिट, कोही ५ सिट मागिरहेको खण्डमा आफूले २ सिट मागेर कुनै गल्ती नगरेको पनि बताएका छन् ।