एजेन्सी— साउदी अरबकाे तेल कम्पनी अरामकाेकाे कमाई लामाे समयदेखि रहस्यका रुपमा लिइन्थ्याे । किनकि साउदी सरकारले याे कुरा सधैं लुकाएर राख्थ्याे । 

तर साेमबार अरामकाेले याे रहस्यकाे पर्दा खाेलेकाे छ र भनेकाे छ कि गत वर्ष उसले १११.१ अर्ब डलर नाफा गरेकाे थियाे । याे अहिलेसम्मका लागि कुनै पनि कम्पनीले कमाएकाे भन्दा धेरै ठूलाे नाफा हाे । 

यसअघि सबैभन्दा धेरै कमाएकाे भनिएकाे एप्पलकाे नाफा सन् २०१८ मा ५९.५ अर्ब डलर थियाे । 

अरामकोले यसरी आफ्नो हरहिसाब सार्वजनिक गर्नुलाई उसको रणनीतिक चालको रुपमा टिप्पणी गरिएको छ । किनकि अरामको आफ्नो ब्रान्ड बेचेर १५ अर्ब डलर पूँजी जुटाउने तयारी गरिरहेको छ । साउदी अरबमा अहिले तेल र ग्यासको राजश्वमाथिको निर्भरता कम गर्ने प्रयास भइरहेको छ ।

साउदी अरबका राजकुमार मोहम्मद बिन सलमानले साउदीको अर्थव्यवस्था विविधताले भरिओस् भन्ने चाहना राखेकाले पनि यो कदम चालिएको हुनसक्ने अनुमान छ । अब साउदीले आइटी क्षेत्रमा लगानी गर्ने सम्भावना बढी छ । 

सन् २०१८ मा अरामकोले साउदी सरकारलाई १६० अर्ब डलर रकम दिएको थियो । उसले पाँच प्रतिशत सेयर बेच्ने योजना पनि बनाएको छ । यसलाई अहिलेसम्मकै सबैभन्दा ठूलो आइपिओको रुपमा चित्रण पनि गरिएको छ ।