काठमाडौँ– धुर्मुस सुन्तली फाउन्डेसनले चितवनको भरतपुरमा निर्माण गर्न लागेको गौतम बुद्ध अन्तर्राष्ट्रिय रंगशालाको सहयोगार्थ आयोजना गरेको मातृभूमि कप क्रिकेट प्रतियोगिता पानीले बिथोलिएको छ ।

सीताराम कट्टेलले फेसबुकमा स्टाटस लेख्दै वर्षाका कारण खेल स्थगित भएको जानकारी गराए । कट्टेलले फेसबुकमा लेखेका छन्, ‘आजका लागि तय गरिएको मातृभूमि कप क्रिकेट प्रतियोगिता लगातार परिरहेको बर्षाका कारण अवरूद्ध भएको छ । खराव मौसम र लगातारको वर्षाले त्रिवि क्रिकेट मैदानमा खेल हुन सकेन ।’ 

सबै तयारी पुगे पनि खेल हुन नसकेको जानकारी दिंदै उनले खेल अर्को मिति सम्मकालागि स्थगित गरिएको जानकारी गराए । अग्रिम टिकट खरिद गरेकाहरूलाई सोही टिकट सुरिक्षत राखी खेल हेर्न आग्रह गरेका छन् ।