काठमाडौं– हिन्दू राज्य र राजतन्त्रको पक्षमा वकालत गर्दै आएको राष्ट्रिय प्रजातन्त्र पार्टीको आयोजनामा भएको प्रदर्शनबाट प्रहरीले अध्यक्ष कमल थापासहित केही नेतालाई नियन्त्रणमा लिएको छ । 

प्रहरीले थापासहित नेता दीपक बोहरा, वरिष्ठ उपाध्यक्ष बुद्धिमान तामाङलगायत नेतालाई पुतलीसडकबाट नियन्त्रणमा लिएको हो । रत्नपार्कबाट सुरु भएको र्याली पुतलीसडक हुँदै पद्मोदय मोडमा पुगेपछि प्रहरीले धरपकड गरेको थियो । 

यसअघि सरकारलाई बुझाएको २२ बुँदे माग पूरा गर्न दबाब दिन प्रदर्शनी गरिएको राप्रपाले जनाएको छ ।