logo-img

मन्त्रिपरिषद्को आकस्मिक बैठक बस्दै, के गर्ला निर्णय ?

प्रधानमन्त्री पुष्पकमल दाहाल प्रचण्डले मन्त्रिपरिषदको बैठक बोलाएका छन् । प्रधानमन्त्री दाहालले बिहान १० बजे सिंहदरबारमा बस्ने गरी मन्त्रिपरिषद् बैठक बोलाएका हुन् । 

आजको बैठकमा कतारका राजाको भ्रमणको बारेमा छलफल हुने बताइएको छ । कतारका राजा मोहम्मद बिन अल थानी मंगलबार नेपाल आइपुग्दै छन् । 

त्यस्तै, आजको मन्त्रिपरिषद् बैठकमा केही नियुक्ति र बढुवाको पनि निर्णय गरिनेछ । नेपाल प्रहरीका दुई डिआइजी एआईजीमा बढुवा सिफारिस भएका छन् । 

यस्तै, दुई एसएसपी डिआइजीमा बढुवा सिफारिस भएका छन् । उनीहरूको बारेमा पनि निर्णय हुन सक्ने प्रधानमन्त्रीको सचिवालयले जनाएको छ ।

यस्तै, बैठकमा बजेट अधिवेशन आह्वान सिफारिसको विषयमा पनि निर्णय हुने सम्भावना छ । हिउँदे अधिवेशन गत ३० चैतमा अन्त्य भएको थियो । 

सरकारले आगामी १५ जेठमा बजेट ल्याउनुपर्ने बाध्यता छ । त्यसअघि नीति तथा कार्यक्रम ल्याउने सरकारले तयारी छ ।   





  • प्रकाशित मिति : वैशाख १०, २०८१ साेमबार ७:१०:११

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।



यो सामग्री सेयर गर्नुहोस्

यो सामग्री सेयर गर्नुहोस्

यो पनि नछुटाउनुहोस्
मल्टिमिडिया