बाँके– नेपालगन्जमा जारी आठौँ राष्ट्रिय खेलकुदअन्तर्गत महिला भलिबलको उद्घाटन खेलमा नेपाल पुलिस क्लब र गण्डकी प्रदेशले विजयी सुरुवात गरेका छन् । बुधबार भएको पहिलो खेलमा नेपाल पुलिस क्लबले प्रदेश १ लाई सोझो सेटमा पराजित गरेको हो ।

पहिलो सेटमा २५–१३ को जित निकालेको पुलिसले दोस्रो सेटमा २५–११ र तेस्रो सेटमा पनि २५–११ को जित निकाल्न सफल भएको हो । बुधबार नै भएको दोस्रो खेलमा गण्डकी प्रदेशले प्रदेश नम्बर २ लाई पनि सोझो सेटमा पराजित गरेको छ । 

पहिलो सेटमा २५–६ को जित निकालेको गण्डकी प्रदेशले दोस्रो सेटमा २५–७ र तेस्रो सेटमा २५–९ को जित निकाल्न सफल भएको हो ।