नयाँदिल्ली– भारतमा लोकसभा निर्वाचनअन्तर्गत दोस्रो चरणको मतदान भइरहेको छ । दोस्रो चरणमा आज ११ राज्यको ९७ सिटमा मतदान हुनुपर्नेमा २ सिटको चुनाव सरेको छ ।
तमिलनाडुको वेल्लोर सिटमा मतदातालाई पैसा बाँडेको आशंकामा चुनाव रद्द गरिएको छ भने त्रिपूरा–पूर्वमा कनुव व्यवस्था ठीक नभएका कारण मतदान २३ अप्रिललाई सारिएको छ ।
यो चरणमा मतदान भइरहेका क्षेत्रमा कुल १५ करोड ७९ मतदाता छन् । १,६२९ उम्मेदवार चुनावी मैदानमा छन् । १ लाख ८१ हजार मतदान केन्द्रमा बिहानैदेखि मतदाताको लाइन लागेको छ ।
मतदान भइरहेका ५ राज्यका ६८ सिटमा भाजपा नेतृत्वको एनडिए र कांग्रेस नेतृत्वको युपिएबीच सिधा टक्कर हुने सर्वेक्षणहरुले देखाएका छन् । ३ राज्यका ९ सिटमा गठबन्धनभन्दा पनि भाजपा–कांग्रेस सोझो टक्कर छ ।
४ राज्यका १८ सिटमा कांग्रेस नभई क्षेत्रीय दलले भाजपालाई टक्कर दिनेछन् । यसमा उत्तर प्रदेशका ८, ओडिसाका ५, बंगालका ३ र कस्मिरका २ सिट छन् ।
सन् २०१४ को चुनावमा यी ९५ सिटमध्ये भाजपाले २७ सिट जितेको थियो । भाजपासँगै गठबन्धनमा रहेको तमिलनाडुको क्षेत्रीय दल अन्नाद्रमुकले ३६ सिट हात पारेको थियो । कांग्रेसलाई १२ सिट मिलेको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।