काठमाडौं– नेपाल विद्यार्थी संघमा ३२ वर्षे उमेरहदको विधान पारित भए पनि फेरि ३२ वर्ष माथिकालाई समेटेर तदर्थ समिति गठन गर्ने तयारी गरिएको छ । ४९औँ स्थापना दिवसको अवसरमा नेविसंघ काठमाडौंले आयोजना गरेको कार्यक्रममा नेपाली कांग्रेसका सभापति शेरबहादुर देउवाले यस्तो जानकारी गराएका हुन् ।
कार्यक्रममा बोल्दै देउवाले नेपाल विद्यार्थी संघको तदर्थ समिति चाँडै आउने बताएका छन् । सभापति देउवाले सबैको भावना समेटेर नयाँ तदर्थ समिति ल्याउन लागिएको बताए ।
‘हामी चाँडै नेविसंघको तदर्थ समिति ल्याउँछौं’, उनले भने, ‘३२ वर्षमाथि मुनिको भन्दा पनि सबैलाई अवसर दिने खालको विद्यार्थीको भावना समेट्ने र इच्छाअनुसार काम गर्न सक्ने समिति ल्याउँछौँ ।’
पछिल्लो समय सरकारका गतिविधिले लोकतन्त्र नै खतरामा परेको भन्दै सभापति देउवाले यसका विरुद्ध लाग्न सबैलाई आग्रह गरे ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
