इलाममा क्रूरतापूर्वक कुकुर मारेको आरोपमा तीनजना पक्राउ परेका छन् । जिल्ला प्रहरी कार्यालय इलामले तीनजनालाई पक्राउ गरेको हो।
सामाजिक सञ्जाल भुतप्रेत नामक पेजबाट जेठ ३२ गते एउटा कुकुरलाई लाठीले बारम्बार कुटेर क्रूरतापूर्वक मारेको भिडिओ बाहिरिएको थियो।
भिडियाेमा उनीहरूले कुकुरलाई चरम यातना दिएर ज्युँदै खाल्डोमा पुरेका थिए। साे भिडियाे भाइरल बनेपछि जिल्ला प्रहरी कार्यालय इलामले अनुसन्धान अघि बढाएको थियो।
पक्राउ पर्नेमा देउमाई नगरपालिका वडा नम्बर ९ जितपुर बस्ने २१ वर्षीय दीक्षान्त मोरोहाङ लिम्बू, सोही ठाउँका १७ वर्षीय किशोर संगम लिम्बू र १७ वर्षकै अशाेक लिम्बू छन्।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
