एजेन्सी–अमेरिकी अदालतले एक दम्पत्तिलाई आफ्ना १३ बच्चासँग अमानवीय व्यवहार गरेकाे भन्दै २५ वर्ष जेल सजाय सुनाएकाे छ । डेविड र लुइस टरपिनविरुद्ध उनका दुई जना छाेराछाेरीले अदालतमा प्रमाण पेश गरेपछि उनीहरुलाई दाेषी ठहर गरेकाे हाे । 

ती दम्पत्तीका एक बच्चाले क्यालिफाेर्नियाकाे घरबाट निस्केर उजुरी दिएपछि सन् २०१८ मा उनीहरुलाई प्रहरीले हिरासतमा लिएकाे थियाे । 

अदालतमा प्रमाण पेश गरेका दुई बच्चाले बताएअनुसार उनीहरु कलेज पढ्थे, उनीहरुका बाबुआमा सबै बच्चालाई यातना दिन्थे, न नुहाउन दिन्थे न खान खुवाउँथे ।

‘महिनाैंदेखि १३ जना बच्चालाई फलामकाे जन्जिरले बाँधेर राखेका थिए । याे क्रममा कुनै बच्चा बिरामी परे भने पनि उनीहरुकाे उपचार पनि गर्दैनथे । बच्चालाई पूर्णरुपमा बाहिरी संसारबाट अलग गरेका थिए ।’अदालतमा पीडित बच्चाहरुले दिएकाे बयानमा लेखिएकाे छ । 

 टरपिन दम्पत्तिविरुद्ध प्रहरीमा उजुरी गर्ने एक पीडितका अनुसार उनलाई दुई वर्षकाे उमेरदेखि २७ वर्षसम्म फलामकाे चेनले बाँधेर राखिएकाे थियाे । 

शुक्रबार अदालतमा सुनुवाई भएपछि घरमा कैद गरिएका बच्चाहरुले पुनर्जीवन पाएकाे प्रतिक्रिया दिएका छन् । ​