काठमाडौं– श्रीलंकामा २ सयभन्दा बढीको ज्यान लिनेगरी भएका शृंखलाबद्ध विस्फोटका घटनाप्रति प्रधानमन्त्री केपी शर्मा ओलीले दुःख व्यक्त गरेका छन् । केहीबेरअघि श्रीलंकाली प्रधानमन्त्री रनिल विक्रमासिंघेलाई फोन गरेर प्रधानमन्त्री ओलीले दुःख व्यक्त गरेका हुन् ।
प्रधानमन्त्री सचिवालयका अनुसार ओलीले प्रधानमन्त्री विक्रमासिंघे र श्रीलंकाली जनताप्रति समवेदना प्रकट गरे । विस्फोटमा परी ज्यान गुमाउनेप्रति श्रद्धासुमन अर्पण गर्दै प्रधानमन्त्री ओलीले घाइतेहरुको शीघ्र स्वास्थ्यलाभको कामना गरे ।
टेलिफोनमा प्रधानमन्त्रीले नेपाल जुनसुकै रंग र रुपको आतंकवादको विरुद्धमा उभिने भन्दै मानवताविरोधी घटनाको भर्त्सना गरे ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
