बेइजिङ– चीनको जिडियान विश्वविद्यालयका ५ छात्रले कृत्रिम बैद्धिकतायुक्त ह्विलचेयर बनाएका छन्् । देख्नमा यो दिवंगत विकलांग वैज्ञानिक स्टेफेन हकिङको ह्विलचेयरजस्तै छ । 

यो ह्विलचेयर आँखाको इसारामा चल्न सक्ने युनिभर्सिटीका वैज्ञानिकहरुको दाबी छ । 

यो पूरै शरीरमा प्यारालाइसिस भएकाहरुका लागि विशेष फलदायी हुनेछ । यो विशेषगरी एएलएस (एमियोट्रोफिक ल्याटेरल स्लेरोसिस) का बिरामीलाई लक्ष्य गरी बनाइएको हो । किनकि, यो रोगका बिरामीको पूरै शरीरले काम गर्दैन । यस्तो ह्विलचेयरको मद्दतले उनीहरुको जीवनलाई निकै सहज बनाउनेछ । छात्रहरुलाई यो ह्विलचेयर बनाउन झन्डै ६ महिना लाग्यो । 

आधुनिक प्रविधिको प्रयोग भएको यो स्मार्ट ह्विलचेयर इन्टरनेटको सहाराले चल्छ । बिरामीको आँखाको चाललाई बुझेर सोहीअनुरुप आफ्नो चाल निर्धारण गर्छ । यसले रातमा पनि आँखाको चाल ‘डिटेक्ट’ गर्न सक्छ ।