Thu, 17 Oct, 2019


पाँच दिनदेखि इनारमा खसेका वृद्धकाे उद्धार
फरकधार / बैशाख १६, २०७६

सर्लाही– हरिवन नगरपालिकामा पाँच दिनदेखि इनारमा खसेका एक वृद्धको साेमबार सेनाले सकुशल उद्धार गरेको छ । हरिवन नगरपालिका–५ घुर्कौलीका ५५ वर्षीय सानुमान जिम्बालाई सेनाको रणशेर गण पाँचकुमारीका जमदार हिमबहादुर तिवारी नेतृत्वको सैनिक टोलीले जीवितै उद्धार गरेको हो । 



गत वैशाख १२ गतेदेखि हराइरहेका जिम्बालाई ३० फिट गहिरो पानी सुकेको इनारमा देखिएकाे थियाे । १३ वर्षीय विवश पाख्रिनले देखेपछि प्रहरीलाई खबर गरेका थिए । स्वास्थ्य अवस्था कमजोर रहेका जिम्बाको हरिवनस्थित नमूना अस्पतालमा उपचार भइरहेको छ ।


यो सामाग्री सेयर गर्नुहोस्


यो पनि नछुटाउनुहोस्