महोत्तरी– सरकारले आगामी आर्थिक वर्षको बजेटबाट ज्येष्ठ नागरिकको भत्ता पाँच हजार बनाउने भएको छ । महोत्तरीको बर्दिवास नगरपालिकामा आयोजित एक कार्यक्रममा उपप्रधान तथा रक्षामन्त्री ईश्वर पोखरेलले यो जानकारी गराएका हुन् ।

बर्दिवास मेडिकल कलेज स्थापनाका लागि पूर्वाधार निर्माण विकास आयोजनाको कार्यालय उद्घाटनका लागि महोत्तरी पुगेका पोखरेलले सरकारले यसपटकको बजेटमा कृषि र उत्पादनमा जोड दिने गरी नीति तथा कार्यक्रम ल्याउने तयारी गरेको बताए ।

चुनावअघि वृद्धभत्ता बढाएर पाँच हजार पुर्याउने प्रतिबद्धता जनाएको नेकपा सरकारले पहिलो बजेटमा भत्ता नबढाएछि सरकारको आलोचना भएको थियो । केही साताअघि प्रधानमन्त्री केपी ओलीले यसपटकको बजेटमा वृद्धभत्ता बढ्ने बताएका थिए । तर, उनले कति पुर्याउने भनेर खुलाएका थिएनन् ।