संयुक्त राज्य अमेरिकाका लागि प्रस्तावित नेपाली राजदूत लोकदर्शन रेग्मीले आफू सो देशको राजदूतमा नियुक्त भएमा अमेरिकी राष्ट्रपतिलाई नेपाल भ्रमणमा ल्याउने प्रतिबद्धता जनाएका छन् ।
बिहीबार भएको संसदीय सुनुवाइका क्रममा उनले यस्तो बताएका हुन् । उनले नेपालका प्रधानमन्त्रीलाई अमेरिकाको भ्रमणको क्रममा त्यहाँको संसद्मा सम्बोधन गर्ने वातावरण बनाउने पनि उनले दाबी गरे ।
नेपालको संघीय संसद् र अमेरिकी कांग्रेसबीच भ्रमणको आदानप्रदानका लागि आवश्यक समन्वय गर्ने पनि उनले विश्वास दिलाए ।
नेपाल सरकारका पूर्वमुख्यसचिवसमेत रहेका रेग्मीलाई सरकारले अमेरिकाकाे राजदूत प्रस्ताव गरेकाे छ । उनी यसअघि बेलायतकाे राजदूत थिए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
