काठमाडौं– खाना पकाउने ग्यासको मूल्य दुईथरी कायम गर्न संसदको समितिमा माग उठेको छ । बिहीबार संसदको उद्योग तथा वाणिज्य र श्रम तथा उपभोक्ता हित समितिको बैठकमा बोल्दै एक सांसदले व्यवसायी र घरायसी प्रयोजनका लागि छुट्टाछुट्टै मूल्य तोक्न माग गरेका हुन् ।   

व्यवसायिक प्रयोजनमा भ्याट छुटको व्यवस्था रहेको कारण दुई थरी मूल्य कायम गर्नुपर्ने भन्दै नेकपा सांसद कृष्णकुमार श्रेष्ठले व्यावसायिक र व्यक्तिगतलाई छुट्टाछुट्टै मूल्य कायम गर्न आग्रह गरेका हुन् ।

सरकारले यसअघि नीलो र रातो रङको सिलिन्डरमा ग्यास भरेर प्रयोगमा ल्याउने व्यवस्था गरेको थियो । तर, कमिसनको चलखेलका कारण सफल हुन नसकेको भन्दै अब भ्याट फिर्ता बैंकमार्फत हुनुपर्ने सांसद श्रेष्ठले बताए ।