सहकारी संस्था बचत तथा रकम दुरुपयोग सम्बन्धमा संसदीय छानबिन विशेष समितिको प्रतिवेदन २०८१ प्रतिनिधि सभामा पेस भएको छ । सोमबार बसेको प्रतिनिधिसभाको बैठकमा समिति सभापति सूर्यबहादुर थापाले प्रतिवेदन पेस गरेका हुन । 

प्रतिवेदन पेसपछि बैठकमा बोल्दै उनले अनुसन्धानबाट सहकारी विपरीत, कानुन विपरीत र इमान विपरीत कार्य भइरहेको खुलेको बताए । यस स्थितिको अन्त्य गरी सहकारी क्षेत्रलाई आम जनताको बीचमा विश्वसनीयता पुन जागरित गरेर अघि बढाउन कोसिस आफूहरूले गरेको उनको भनाई छ । 

उनले भने,‘मान्छेका खाता, कार्य प्रणाली फेक छन् । सहकारी होइन । सहकारी विपरीतका क्रियाकलाप भइरहेका छन् । कानुन विपरीत र इमान विपरीत कार्य भइरहेका छन् । यस स्थितिको अन्त्य गरी सहकारी क्षेत्रलाई आम जनताको बीचमा विश्वसनीयता पुन जागरित गरेर अघि बढाउन कोसिस गरेका छौँ र समस्या समाधानको बाटो पहिल्याउँदै अविश्वासको अँध्यारो छिचोलेर विश्वासको दियो बाल्ने हामीले हिम्मत गरेका छौँ ।’