चितवन– विहानै मौसम बिग्रिएपछि चितवनका विद्यालयहरु बन्द गरिएको छ । हुरीबतास र भारी वर्षा हुने सम्भावना देखिएकाले चितवनका स्कुलहरु बन्द गर्न प्याब्सनले जनाएको हो । प्याब्सनको निर्देशनसँगै चितवनका अधिकांश विद्यालय बन्द भएका छन् । 

चितवनमा आज विहानै देखि हावाहुरी चल्दै भारी वर्षा भएको थियो । चितवन र आसपासका क्षेत्रमा हुरीबतासको सम्भावना रहेकाले सतर्क रहन मौसमविद्हरुले आग्रह गरेका पनि छन् । चितवन प्याब्सनले हुरीबतास आउन सक्ने र भारी वर्षाका हुनसक्ने सम्भावित दुर्घटनालाई ध्यानमा दिँदै विद्यालयहरु बन्द गर्ने निर्णय गरेको जनाएको छ । 

उता, नवलपुरमा पनि हावाहुरी र भारी वर्षाका कारण त्यहाँका विद्यालयहरु बन्द गरिएका छन् ।

मौसम पूर्वानुमान शाखाले नेपालको पूर्वी तथा मध्य क्षेत्रमा आज र भोलि (शनिबार) मौसम प्रभावित हुने अनुमान गरेको छ । हिमाली भूभागमा पनि मध्यमदेखि भारी हिमपातको सम्भावना रहेको र पश्चिमी क्षेत्रमा पश्चिमी वायुको प्रभाव रहने हुँदा केही स्थानमा हल्कादेखि मध्यम वर्षाको सम्भावना रहेको महाशाखाले जनाएको छ । 

पूर्बी हिमाली क्षेत्रमा ठूलो हिमपात हुन सक्ने हुँदा सो क्षेत्रमा अहिले देखिनै भोलि दिनभरसम्म हेलिकप्टर उडान नगर्नु नगराउनुहुन र पर्यटक एवं यात्रुहरूले सुरक्षित स्थानमा रहनु हुन अनुरोध छ । https://t.co/9K04r5l0gE

— NEOC, MoHA Nepal (@NEOCOfficial) May 3, 2019