Sun, 22 Sep, 2019


बेलायती दरबारमा नयाँ राजकुमार
फरकधार / बैशाख २३, २०७६

एजेन्सी– बेलायतको शाही परिवारमा नयाँ सदस्य थपिएका छन् । डचेज अफ ससेक्स मेगन मर्केलले छोरालाई जन्म दिएपछि बेलायती राजपरिवारमा खुसी छाएको हो । 



राजकुमार ह्यारीले यसको जानकारी दिएका हुन् । उनले आफ्नो छोरा जन्मिएको कुराले आफूहरु दुवैजना अत्यन्त रोमान्चित भएको बताएका छन् । उनले आफूहरुलाई साथ दिएका जनतालाई धन्यवाद पनि दिएका छन् । 

ह्यारीले मेगन मर्केल र छोराको स्वास्थ्य अत्यन्त राम्रो भएको पनि जानकारी दिएका छन् । साथै उनले छोराको नाम सोचिनसकेको पनि बताएका छन् । 

बेलायती दरबारका यी नयाँ राजकुमारको जन्म बेलायती समयअनुसार सोमबार विहान ५ बजेर २६ मिनेट जाँदा भएको हो । बकिंघम दरबारले दिएको जानकारी अनुसार नयाँ राजकुमारको तौल ३.२ किलो थियो । ह्यारीले दुई दिनपछि बच्चाको तस्वीर सार्वजनिक गर्ने बताएका छन् । 

सोमबार जन्मिएका यी बालक बेलायती राजा हुने लाइनमा सातौँ व्यक्ति भएका छन् । मेगन अमेरिकी नागरिक भएकाले उनले स्वतः अमेरिकी नागरिकता पनि पाउने छन् ।


यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्