काठमाडौं– सरकारले अमेरिकाका लागि नेपाली राजदूत अर्जुनकुमार कार्कीको कार्याकाल थप गरेको छ । सोमबार बसेको मन्त्रिपरिषद् बैठकले यो निर्णय गरेको हो ।
सञ्चार तथा सूचना प्रविधिमन्त्री गोकुल बास्कोटाले अमेरिकामा अर्को व्यक्ति राजदूत नियुक्त नहुँदासम्मका लागि कार्कीको कार्यकाल थप गरिएको बताए ।
सरकारले कार्कीलाई २०७१ साल माघ ३ गते अमेरिकाका लागि राजदूत सिफारिश गरेको थियो ।
त्यसैगरी मन्त्री बास्कोटाले सरकारले तत्काल संस्कृति पर्यटन तथा नागरिक उड्डयन मन्त्री नियुक्त नगर्ने पनि बताए । पर्यटन मन्त्रालय प्रधानमन्त्रीले हेर्दै आएको र राज्यमन्त्री पनि रहेकोले मन्त्री अहिले नियुक्त गर्नु पर्ने अवस्था नरहेको मन्त्री बास्कोटाको भनाई छ ।
बास्कोटाले भने,‘पर्यटन मन्त्रालय प्रधानमन्त्रीले सम्हानुभएको छ। भिजिट नेपाल २०२० लाई कुनै फरक पर्दैन। राज्यमन्त्री पनि हुनुहुन्छ।’
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।