एजेन्सी– इराकको किर्कुक प्रान्तमा इस्लामिक स्टेट्स (आइएस) समूहको आक्रमणमा परी चार प्रहरी अधिकृत र अन्य दुई प्रहरी मारिएको सुरक्षा स्रोतले जानकारी दिएको छ । 

किर्कुक सहरबाट ३० किलोमिटर दक्षिणमा पर्ने रसहाद सहरनजिकै रहेको प्रहरी चौकीमा भएको आक्रमणमा दुई प्रहरीको मृत्यु हुनुको साथै अन्य एक घाइते भएका छन् ।

प्रान्तीय सहर किर्कुकको पश्चिम भागमा अवस्थित हविजाह सहरनजिकै आइएस लडाकु समूहले एक सवारीसाधनलाई लक्ष्य गरी गरेको बन्दुक आक्रमणमा परी चार संघीय प्रहरी अधिकृतको मृत्यु भएको हो । 

सन् २०१७ को अन्त्यबाट इराकी सुरक्षा बलले गरेको कारबाहीमा परी अतिवादी आतंककारी समूह आइएस देशभरि नै पराजित भएको थियो ।

आक्रमण भएको सो इलाका अफगानिस्तानको राजधानी बाग्दादबाट २५० मिटर उत्तरमा अवस्थित रहेको बताइएको छ ।