सप्तरी– अज्ञात समूहले  सप्तरीको बलान बिहुल गाउँपालिकाका अध्यक्ष दयानन्द गोइतको घरमा गएराति प्रेसर कुकर बम विस्फाेट गराएको छ।

सो समूहले अध्यक्ष गोइतको घरसँगैको प्रतिक्षालयमा बम विस्फाेट गराएको प्रहरी नायव उपरीक्षक भावेश रिमाललले जानकारी दिए । बम विस्फाेटनबाट प्रतीक्षालयमा रहेको टेबुल, कुर्सी र फर्निचरको जलेर नष्ट हुनाका साथै उनका काका श्याम गोइत घाइते भएका छन् । घाइतेको स्थानीय अस्पतालमा उपचार भइरहेको छ ।

बम विस्फाेटबारे अनुसन्धान भइरहेको र बम विस्फाेट गराउने समूह भारतीय सिमानाबाट भाग्न सक्ने भएकाले सो सिमानामा समेत प्रहरी परिचालन गरी खोजी कार्य तीव्र पारिएको प्रहरी नायव उपरीक्षक रिमालले बताए ।